Krasnajarski mastak Uładzisłaŭ Hulciajeŭ pastaviŭ «pomnik» Ivanu Hroznamu ŭ vyhladzie draŭlanaha kała na bierazie raki Kan u horadzie Kansk — takim čynam jon adreahavaŭ na adkryćcio pieršaha rasijskaha aficyjnaha pomnika caru ŭ Arle.
Hulciajeŭ na svajoj staroncy ŭ sacyjalnych sietkach padrabiazna rastłumačyŭ sens svajho žestu.
«Natchniony tym, što ŭ Arle vyrašyli pastavić pomnik sumna viadomamu caru Ivanu Vasiljeviču Hroznamu (Žachlivamu), ja vyrašyŭ padtrymać hetuju, niesumnienna sprečnuju, inicyjatyvu, pastaviŭšy jašče adzin pomnik jamu ŭ svaim rodnym horadzie Kansk.
Akramia całkam vidavočnaj mety — akulturyć papularnaje miesca adpačynku haradžan, — hety koł jak by namiakaje kožnamu, što časy, kali zabivali prosta tak i dziela zadavalnieńnia, nie takija žo i dalokija. Estafietu baraćby z našym narodam padtrymali i śvietłaj pamiaci Hanna Iaanaŭna, i vusaty viesiałun Stalin.
Zhadžajučysia z ustanoŭkaj takich pomnikaŭ, my maŭkliva ŭchvalajem represii, katavańni i pakarańni. Narod, jaki nie vynosić z svajoj historyi karysnych urokaŭ, vymušany paŭtarać pamyłki znoŭ i znoŭ, i žudasna, kali takija pamyłki abmytyja rekami kryvi.
U ekzistencyjalnym płanie pomnik simvalizuje ŭnutrany stryžań, jaki pavinien być u kožnaha ruskaha čałavieka, inakš ni pra jakuju duchoŭnaść nie moža być i razmovy. Jaho tanklavy profil skiravany vyrazna ŭvierch, pakazvaje imknieńnie našaha naroda da słaŭnych podźvihaŭ i tytaničnych ździajśnieńniaŭ. Kroŭ na im kaža pra toje, što za canoj my nie pastaim», — napisaŭ U. Hulciajeŭ.
