Paśla nudnaha 120-chvilinnaha taptańnia Hišpanija pieramahła Italiju pa penalci 4:2.
Abiedźvie kamandy chvalavalisia ŭ seryi adzinaccacimetrovych. Hišpancaŭ paščaściła trochi bolš.
Ciažka skazać, chto bolš zasłuhoŭvaŭ pieramohi. Abiedźvie kamandy hrali brudna. Napadniki symulavali parušeńni suprać ich - až urešcie Vilja schapiŭ za heta žoŭtuju kartku. Bliskuča stajali varatary, što Bufon u italjancaŭ, što Kasiljas u hišpancaŭ. Kasiljas, uziaŭšy paru niebiaśpiečnych miačoŭ u časie hulni i dva penalci, staŭ na hetuju noč nacyjanalnym hierojem i abjektam pakłanieńnia Pirenejskaje paŭvyspy.
Hišpancy pierajhrali italjancaŭ upieršyniu ź niezapamiatnych časoŭ, a kali dakładniej - ad 1920 hodu. U statystykaŭ usio padličana. Adnak z takoj hulnioj im ciažka budzie druhi raz zrabić kamandu Rasii, jakaja namacała hulniu.
Eŭropa praciahvaje svoj futbolny adpačynak.
