Staršynia Biełteleradyjokampanii Hienadź Davydźka aburyŭsia ckavańniem ryełtara Alaksandra Haraščeni, jaki abraziŭ pamiać Ryhora Baradulina.
Hienadź Davydźka.
«Na tydni našyja svabodnyja ad zdarovaha sensu ŚMI znajšli jašče adnu nahodu siejać nianaviść i złobu. Adkapali ŭ fejsbuku zapis hadavoj daŭniny nikomu nie viadomaha ryełtara, dzie toj niepryjemna vykazaŭsia pra Biełaruski Narodny Front. I pra Baradulina — nazvaŭ nacysckaj svołačču. Niepryjemna, sprečki niama, choć aŭtar i prabačyŭsia pierad svajakami», — rastłumačyŭ telehledačam Davydźka ŭ efiry svajho «Kłuba redaktaraŭ».
Jon nazvaŭ Haraščeniu «škiletam u šafie».
«I voś ciapier ŚMI — i voś «Narodnaja vola» — prosta nianaviściu hetaha… Navat u čornaj ramcy apublikavali partret hetaha čałavieka, — praciahnuŭ staršynia BT. — Jon užo vybačyŭsia, jaho zvolnili z pracy! Nie, pa im topčucca. Niaŭžo niama inšych infarmacyjnych nahodaŭ?»
«Ja zhodny, jon nie maje racyi, jon zhodny, što nie maje racyi. Davajcie jaho rastopčam, kab inšym niepanadna było?» — padsumavaŭ Davydźka.
