Kiraŭnik Biełteleradyjokampanii Hienadź Davydźka vykazaŭsia pra zbor podpisaŭ za ŭklučeńnie bieł-čyrvona-biełaha ściaha ŭ śpis histaryčnych kaštoŭnaściaŭ. Jon padtrymlivaje inicyjatyvu ci vystupaje suprać? Pasprabujcie razabracca.
fota Iryny Arachoŭskaj
«U pierachodzie adbyvajecca zbor podpisaŭ za bieł-čyrvona-bieły ściah. Arhanizatary zajaŭlajuć, što sabrali 10 tysiač podpisaŭ. Mahčyma. Heta podpisy za što? Za ściah ci za ideju? Tamu što tyja ludzi, jakija źbirajuć podpisy, buduć kazać, što heta padpisalisia za naš ruch. A niechta padpisvaŭsia za vielmi pryjemnaje spałučeńnie: bieły, čyrvony i bieły — pryhožy ściah.
Ale źviarnicie ŭvahu na postar, jaki staić pobač. Unizie adras sajta «Maładoha fronta» — niezarehistravanaj u Biełarusi arhanizacyi. I dla daviedki: artykuł 193 p. 1 Kryminalnaha kodeksu — niezakonnaja arhanizacyja dziejnaści hramadskaha abjadnańnia, relihijnaj arhanizacyi ci fonda, a taksama ŭdzieł u ich dziejnaści karajecca štrafam, albo aryštam da 6 miesiacaŭ, albo pazbaŭleńniem svabody na termin da dvuch hadoŭ.
Voś što my majem? U samym centry Minska na praciahu miesiaca parušali Kryminalny kodeks. Čamu nie prahnali hetych chłopcaŭ, čamu nie papiaredzili, što jany parušajuć zakanadaŭstva. Bajacca?» — zajaviŭ Davydźka ŭ efiry «Kłuba redaktaraŭ».
Na zaŭvahu redaktara «Savieckaj Biełarusii» Paŭła Jakuboviča Davydźka jašče raz aburyŭsia, što ŭ adnosinach da maładafrontaŭcaŭ nie skłali pratakoły.
«Siarod 10 tysiač padpisantaŭ moh być i ja, i Pavieł Izotavič [Jakubovič — «NN»]. Ściah simpatyčny, čamu b nie nadać jamu histaryčny status ci jašče jaki-niebudź», — padsumavaŭ kiraŭnik Biełteleradyjokampanii.
