Pra heta stała viadoma z tyziera sieryjała, dzie kadry z novych sieryj supravadžajucca podpisami: «Usio, što jany viedajuć, akažacca pad sumnievam… Usio, kaho jany viedajuć, znachodziacca pad pahrozaj».
Užo viadoma, što pieršaja sieryja čaćviortaha siezona vyjdzie pad nazvaj The Six Thatchers («Šeść Tetčar»), što adsyłaje da apaviadańnia Artura Konana Dojła «Šeść Napaleonaŭ».
Akramia taho, u novym siezonie źjavicca akcior Tobi Džons, jaki ahučvaje elfa Dobi ŭ «Hary Potery». Džons syhraje złodzieja ŭ druhoj sieryi trochsieryjnaha siezona, kožny epizod jakoha budzie doŭžycca 90 chvilin.
Za dzień da hetaha akcior Bieniedykt Kambierbetč, jaki vykonvaje hałoŭnuju rolu ŭ sučasnaj adaptacyi tvoraŭ Artura Konan Dojla, zajaviŭ, što nastupnyja sieryi buduć nastolki dramatyčnymi, što fanatam moža spatrebicca pierapynak.
40-hadovy brytanski akcior raspavioŭ, što paśla nastupnaha siezona stvaralniki sieryjała mohuć zrabić bolš doŭhi pierapynak, čym zvyčajna.
«Ja dumaju, što budzie pierapynak. Ja nie dumaju, što heta budzie mienavita paŭtara hoda, adnak my pačakajem i pahladzim, i moža, budzie i tak», - cytuje akciora Pres Asasiejšn.
