13-hadovaja dačka byłoha ministra abarony RF Anatola Sierdziukova ad druhoha šlubu źbiehła z domu razam z 16-hadovaj siabroŭkaj. Da pošuku padletkaŭ padklučylisia supracoŭniki FSB RF, paviedamlaje mk.ru.
Anatol Sierdziukoŭ. Fota Michaiła Kavalova
Jak stała viadoma, školnicy zapłanavali ŭcioki niekalki dzion tamu. Svajaki 16-hadovaj školnicy zaŭvažyli, što dziaŭčynka stała pavodzić siabie dziŭna — u vychadnyja kupiła pachodnuju pałatku, a ŭ sieradu, pryjšoŭšy sa škoły dadomu, apranuła ciopłyja rečy, trochi pierakusiła i ŭciakła z domu na vačach ździŭlenaj babuli. Paźniej svajaki znajšli zapisku, układzienuju u płanšet sa słovami: «Ja syšła paznavać śviet».
Pryjšoŭšy z pracy, maci dziaŭčynki, supracoŭnica Rashidramietcentra, patelefanavała ŭ palicyju. A nieŭzabavie ŭ kvateru dziaŭčynki, akramia palicejskich ź miascovaha adździeła, nalacieli supracoŭniki FSB RF. Vyśvietliłasia, što školnica pajšła z domu z 13-hadovaj siabroŭkaj (ź joj jana paznajomiłasia pa internecie, a ŭ aŭtorak dziaŭčynki razam chadzili ŭ teatr) — dačkoj ad druhoha šlubu byłoha ministra abarony Anatola Sierdziukova. Darečy, pavodle adkrytych dadzienych, jana pražyvaje ŭ baćkavaj kvatery na Račdelskaj vulicy, pobač ź Biełym domam. Dziaŭčynka adpraviła maci sms-paviedamleńnie: «Ja sychodžu z doma», ale telefon spačatku nie adklučyła, tamu aparat paśpieli zapielenhavać.
Padletkaŭ šukajuć pa ŭsioj Maskvie. Śledčyja płanujuć raspačać kryminalnuju spravu pa artykule «Zabojstva».
Abnoŭlena: Mskagency.ru paviedamlaje, što dačka Sierdziukova i jaje siabroŭka Hanna S. užo viarnulisia dadomu. Pa fakcie zdareńnia pravodzicca pravierka.
