Z 1 listapada ŭ Biełarusi budzie dziejničać novy biudžet pražytačnaha minimumu — 174,52 rubla. Hetaja suma na 98 kapiejek mienšaja, čym BPM, jaki dziejničaje ciapier, paviedamlaje BiełTA sa spasyłkaj na Minpracy i sacabarony.
U apošni raz BPM skaračaŭsia roŭna hod tamu. Letašniaje padzieńnie BPM u Minpracy tłumačyli «vieraśniovym źnižeńniem cen na płodaaharodninnuju pradukcyju ŭ adnosinach da červienia». Ciapierašniaje skaračeńnie BPM taksama źviazanaje z tym, što ŭ Biełarusi siezonna patańnieła harodnina.
Ź listapada biahučaha hoda pa studzień nastupnaha hoda BPM pracazdolnaha nasielnictva składaje Br193,14; piensijanieraŭ — Br134,41; studentaŭ — Br169,72; dziaciej va ŭzroście da troch hadoŭ — Br111,99; dziaciej va ŭzroście ad troch da šaści hadoŭ — Br154,97; dziaciej va ŭzroście ad šaści da vasiemnaccaci hadoŭ — Br191.
