Staršynia partyi «Spraviadlivy śviet» Siarhiej Kalakin i jaho namieśnik Valeryj Uchnaloŭ. Fota BiełaPAN
«Davodzicca kanstatavać adsutnaść ciapier siarod palityčnych partyj Biełarusi takich, jakija mahli b stać patencyjalnymi partniorami «Spraviadlivaha śvietu» pa levym błoku. Dla partyi heta stvaraje ŭnikalnaje stanovišča, bo jana faktyčna stanovicca adzinaj levaj partyjaj, jakaja znachodzicca ŭ apazicyi da dziejnaj ułady», — zajaviŭ namieśnik staršyni Biełaruskaj partyi levych «Spraviadlivy śviet» Valeryj Uchnaloŭ, vystupajučy 29 kastryčnika z dakładam na VI plenumie centralnaha kamiteta arhanizacyi. Jaho cytuje BiełaPAN.
Pavodle jaho słoŭ, Biełaruskaja sacyjał-demakratyčnaja Hramada, jakuju ŭznačalvaje Stanisłaŭ Šuškievič, «nasupierak svajoj naźvie, źjaŭlajecca adnaznačna pravacentrysckaj». Kiraŭnictva Biełaruskaj sacyjał-demakratyčnaj partyi, pa słovach palityka, «u realnaj palitycy bolš schilnaje da sajuzaŭ ź libierałami, kansiervatarami i naohuł z kim zaŭhodna, akramia palityčnych sił, hatovych da sacyjalistyčnych pieraŭtvareńniaŭ na spravie». Arhkamitety Biełaruskaj partyi žančyn «Nadzieja» i Biełaruskaj partyi pracy, pa słovach Uchnalova, naŭrad ci zmohuć «ŭ ahladnaj budučyni damahčysia realnaha adradžeńnia» arhanizacyj. Akramia taho, adznačyŭ jon, Biełaruskaja partyja «Zialonyja» «całkam zasiarodziłasia na ŭnutranym budaŭnictvie i čysta «zialonych», vuzka ekałahičnych pytańniach».
Ale ŭ Biełarusi isnuje šmat roznych hrup levych aktyvistaŭ, jakija pa svaich ideałahičnych pohladach źjaŭlajucca adnadumcami i nie prymajuć stvoranuju ŭ Biełarusi palityčnuju i sacyjalna-ekanamičnuju madel. Z takimi hrupami, skazaŭ palityk, «Spraviadlivamu śvietu» nieabchodna znachodzić kantakty i imknucca uklučać u partyju.
Pa-druhoje, ličyć Uchnaloŭ, partyja pavinna «usialak pieraškadžać tendencyi, kali zvyčajnaja levaja prablematyka pierachaplajecca i aktyŭna tranślujecca pravymi siłami jak va ŭładzie, tak i ŭ apazicyi».
«Spraviadlivy śviet» maje namier inicyjavać zbor podpisaŭ pad zakonaprajektam ab praviadzieńni vybaraŭ pa praparcyjanalna-mažarytarnaj sistemie. «Sabrać 50 tysiač podpisaŭ, nieabchodnych pa Kanstytucyi dla ŭniasieńnia zakonaprajekta ŭ parłamient, — zadača vykanalnaja», — padkreśliŭ Uchnaloŭ.
Taksama jon prapanavaŭ plenumu zaćvierdzić rašeńnie ab praviadzieńni ŭ 2017 hodzie dźviuch ahulnarespublikanskich masavych akcyj: 1 Maja i da «100-hodździa Vialikaha Kastryčnika».
