Kitaj inviestuje 946,3 młrd juaniaŭ (140 młrd dalaraŭ) da 2020 hoda na pierasialeńnie samych biednych žycharoŭ z małanasielenych rajonaŭ krainy, paviedamiła kamisija pa nacyjanalnamu raźvićciu i reformam KNR, piša Bi-bi-si.
Finansavańnie daje Bank raźvićcia Kitaja i Bank sielskahaspadarčaha raźvićcia Kitaja, što naležyć dziaržavie.
Srodki płanujecca vydatkavać na budaŭnictva damoŭ i infrastruktury. Častka hrošaj pojdzie na ŭładkavańnie vyzvalenych ziamiel.
Masavaje pierasialeńnie — heta častka dziaržaŭnaj prahramy, metaj jakoj źjaŭlajecca pavyšeńnie ŭzroŭniu žyćcia 10 młn samych biednych hramadzian krainy da 2020 hoda.
Jak čakajecca, 2 młn čałaviek ź ciažkadastupnych rajonaŭ pierajeduć u bolš nasielenyja miescy KNR užo ŭ hetym hodzie.
Pa dadzienych kitajskaha ŭrada i dziaržaŭnych ŚMI, u KNR kala 5% žycharoŭ (70 młn čałaviek) ličacca biednymi. Jany zarablajuć nia bolš za 2300 juaniaŭ (kala 340 dalaraŭ) u hod.
