Prezident Rasii Uładzimir Pucin padtrymaŭ prapanovu ab stvareńni zakona ab rasijskaj nacyi. Pra heta jon zajaviŭ na pasiadžeńni Savieta pa mižnacyjanalnych adnosinach u Astrachani ŭ paniadziełak, paviedamlaje «Interfaks».
«Ale što dakładna całkam možna i treba realizoŭvać — heta prosta nad hetym treba padumać i ŭ praktyčnym płanie pačać pracavać — heta zakon ab rasijskaj nacyi», — skazaŭ jon.
Pavodle jaho słoŭ, u taki zakon moža vyraści stratehija pa raźvićci nacyjanalnych adnosin u Rasii.
«Našu stratehiju, jakuju my z vami razam vypracoŭvali, jaje i pieratvarać — ale tolki nad hetym treba papracavać taksama jak śled», — skazaŭ jon.
Jon taksama padtrymaŭ prapanovu udzielnikaŭ pasiadžeńnia pravieści hod adzinstva rasijskaj nacyi.
«Dobraje mahło b być mierapryjemstva. Z pryciahnieńniem usich, chto sabraŭsia siońnia tut u hetaj zale — dla taho, kab my razam z vami papracavali. Ale tolki vybrać treba hety hod», — skazaŭ Pucin.
Jon zajaviŭ, što pakul nie vyrašanaje pytańnie ab śpiecyjalnaj struktury, jakaja zojmiecca nacyjanalnymi pytańniami na fiederalnym uzroŭni.
«Pryncypovaje pytańnie — kaardynacyja orhanaŭ ułady, jakija realizujuć dziaržaŭnuju nacyjanalnuju palityku. Ich tolki na fiederalnym uzroŭni bolš za 10. Plus struktury ŭ rehijonach i municypalitetach. Ale ŭzajemadziejańnie pamiž imi časam vielmi nizkaje, nieefiektyŭnaje, nie naładžanaje i pastajannaje supracoŭnictva z navukovymi i ekśpiertnymi arhanizacyjami», — dadaŭ Pucin.
Jon adznačyŭ, što «peŭnyja nadziei» ŭ vyrašeńni prablemy kaardynacyi takich struktur «uskładajucca na dziaržprahramu, jakuju rychtuje ciapier urad RF».
Jak vynikaje z paviedamleńnia TASS, raspracavać zakon «Ab rasijskaj nacyi i kiravańni mižetničnymi adnosinami» prapanavaŭ zahadčyk kafiedry RANHiDS Viačasłaŭ Michajłaŭ. Zakon pavinien «ŭvabrać u siabie ŭsie navacyi, źviazanyja ź mižnacyjanalnymi adnosinami».
