Kiraŭnik Minskaj vobłaści Siamion Šapira prapanavaŭ ramont mašyn, jakija za 2 listapada trapili na zaśniežanych darohach u DTZ, apłacić darožnym słužbam, paviedamlaje telekanał «Biełaruś-1».
Siamion Šapira padčas pryjomu hramadzian u Kapyli zastaŭsia niezadavoleny jakaściu ŭborki asnoŭnych mahistralaŭ ad śniehu. I zapatrabavaŭ navieści paradak na darohach da kanca pracoŭnaha dnia.
«Usie avaryi, jakija adbylisia pa vinie darožnikaŭ, pavinny być apłačany z kišeni kiraŭnikoŭ darožnych arhanizacyj, DAI i staršyniaŭ rajvykankamaŭ. Siońnia mnie na stoł — usie avaryi sa škodaj, jakuju atrymała nasielnictva z-za stanu darožnaha pakryćcia. Nie nasielnictva budzie płacić, a vy, načalniki», — skazaŭ Siamion Šapira.
Pavodle infarmacyi Dziaržaŭtainśpiekcyi UUS Minabłvykankama, za sutki 2 listapada ŭ vobłaści adbyłosia 3 DTZ, u vyniku jakich 1 čałaviek zahinuŭ, 2 — traŭmavanyja. Akramia hetaha, za minułyja sutki ŭ Minskaj vobłaści adbyłosia 80 DTZ, u jakich paškodžańni atrymali tolki aŭtamabili.
