U DTZ pad Rečycaj zahinuli kiroŭca i pasažyrka aŭtamabila «Piežo 206».
Jak paviedamiła aficyjny pradstaŭnik USK pa Homielskaj vobłaści Maryja Kryvanohava, 2 listapada prykładna ŭ 17.30, padčas śniehapadu, 24-hadovy žychar Vasilevič, kirujučy aŭtamabilem «Piežo 206», ruchaŭsia z boku Rečycy ŭ napramku Śvietłahorska. Kiroŭca nie ŭličyŭ darožnyja ŭmovy i nadvorje, nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia z aŭtamabilem «MAZ 53371», za rulom jakoha znachodziŭsia žychar Minskaj vobłaści. U vyniku kiroŭca lehkavoha aŭtamabila i jaho 19-hadovaja pasažyrka ad atrymanych traŭmaŭ pamierli na miescy DTZ.
Śledča-apieratyŭnaj hrupaj praviedzieny ahlad miesca zdareńnia. U miežach kryminalnaj spravy pryznačanyja šerah ekśpiertyz, u tym liku sudova-miedycynskija i aŭtatechničnyja. Rečyckim RASK sprava raspačataja na padstavie artykuła 317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć čałavieka).
Dla ŭstanaŭleńnia ŭsich abstavinaŭ hetaha zdareńnia śledčyja prosiać hramadzian, jakija stali vidavočcami DTZ, a taksama tych, chto maje zapisy videarehistratara ź miesca zdareńnia, źviarnucca ŭ Rečycki RASK pa telefonach: 8 (02340) 2-69-08, 8 (029) 681-46-94.
