U kancy kastryčnika kampanija General Dynamics pieradała Suchaputnym vojskam ZŠA pieršy pratatyp BTR Stryker z bajavym modulem z mahutnaj 30-mm aŭtamatyčnaj harmataj. Usie novyja mašyny pojduć pierš za ŭsio dla 2-ha kavaleryjskaha pałka, piša military.com.
Novaja mašyna ź viežaj i 30-mm harmataj. Fota military.com
Taksama Stryker'y mohuć atrymać u jakaści dadatkovaha ŭzbrajeńnia supraćtankavyja kompleksy Javelin.
Mienavita Stryker — asnoŭny typ lohkaj braniatechniki, jaki majuć na ŭzbrajeńnie piachotnyja častki ZŠA, što stajać u Jeŭropie.
Imi ŭzbrojeny 2-hi kavaleryjski połk, jaki ŭ 2014 i ŭ pačatku 2015 hoda ŭdzielničaŭ u šmatlikich vučeńniach i manieŭrach u krainach Uschodniaj Jeŭropy, kab padtrymać chaŭruśnikaŭ ZŠA - najpierš krainy Bałtyi i Polšču.
Sustreča amierykanskich žaŭnieraŭ na BTR Stryker žycharami Biełastoka padčas vučeńniaŭ «Atłantyčnaja rašučaść» viasnoj 2015 h. Fota Reuters
Z hetaj pryčyny pytańnie pra padvyšeńnie bajavoj mocy hetych bronietransparcioraŭ było ŭźniataje ŭ Pientahonie ŭžo paŭtara hady tamu — u adkaz na mahčymuju sustreču z novymi ciažka ŭzbrojenymi BTR i BMP rasijskaj armii.
Ciapier Stryker maje ŭ jakaści asnoŭnaha uzbrajeńnia bujnakalibierny 12,7-mm kulamiot ci 40-mm aŭtamatyčny hranatamiot.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
