Ihara Daŭhiału z «Naftana» žyćcio prypierła da ścienki. Pra vypadak piša Tribuna.com.
Futbolny «Naftan» u apošnija hady — kłub niebahaty. I chutčej navat biedny. Nafta siońnia nie ŭ canie, spravy na navapołackim naftapierapracoŭčym pradpryjemstvie, jakoje dało kłubu nazvu, a ŭ lepšyja časy jašče davała i hrošy, iduć nie vielmi. Hulcy skardziacca, što im nie płaciać abo płaciać, ale mała. Niekatoryja raspaviadajuć pra svajo stanovišča ŭ rospačy.
I voś jašče adno paćvierdžańnie taho, što situacyja vielmi kiepskaja. Hałkipier kamandy Ihar Daŭhiała, što zhulaŭ u siezonie-2016 25 matčaŭ, vystaviŭ u internecie na prodaž ułasnyja bucy.
Svajo rašeńnie jon matyvavaŭ «ciažkim finansavym stanoviščam». Za hulniavy abutak adidas - pamier uk 9 - futbalist choča 50 rubloŭ. Uvohule, kali ŭ vas takaja naha i vam patrebnyja bucy, vy možacie zrabić žyćcio adnaho ŭdzielnika čempijanatu Biełarusi pa futbole ŭ vyšejšaj lizie kryšačku lepšym.
