Aŭtamabil «Reno Miehan» na trasie pad Babrujskam źbiŭ maci i dvaich jaje dziaciej na piešachodnym pierachodzie, paviedamiŭ BiełTA v.a. načalnika DAI Babrujskaha rajona Ihar Čarnoŭ.
DTZ adbyłosia kala 19.00 5 listapada na 127-m kiłamietry aŭtadarohi M-5 Minsk — Homiel kala vioski Bajary. U vyniku najezdu žančyna zahinuła na miescy zdareńnia, dzieci 2001 i 2003 hadoŭ naradžeńnia špitalizavanyja ŭ Babrujskuju centralnuju balnicu z traŭmami roznaj stupieni ciažkaści (pierałomy, udary i inš.).
Aŭtamabil ruchaŭsia ŭ bok Homiela, troje piešachodaŭ, paznačanyja śviatłoadbiŭnymi elemientami, pierachodzili prajeznuju častku pa nierehulavanym piešachodnym pierachodzie. Kiroŭca pozna zaŭvažyŭ ludziej.
Abstaviny zdareńnia vyśviatlajucca, na miescy pracuje śledča-apieratyŭnaja hrupa. U «Reno» znachodzilisia žonka kiroŭcy i adnahadovaje dzicia, jany nie paciarpieli.
Pa fakcie DTZ Babrujski mižrajonny adździeł Śledčaha kamiteta raspačaŭ kryminalnuju spravu pa č. 2 art. 317 KK.
