U Hrodzienskim abłasnym sudzie abvieščany prysud pa spravie rabaŭnikoŭ, jakija ŭ lutym 2016 hoda z nažom napali na pradavačku ŭ Karelickim rajonie. Złamyśniki vynieśli ź sielskaj kramy ŭsiu vyručku. Paciarpiełaja praź miesiac pamierła ŭ reanimacyi, paviedamiŭ pradstaŭnik suda Pavieł Varejka.
Troje pjanych chłopcaŭ — 18, 23 i 33 hadoŭ — pryjšli ŭ kramu ŭ vioscy Pałanaja Karelickaha rajona. Adzin ź ich udaryŭ nažom pradavačku, schapiŭ kasavy aparat i ŭciok. Vyručka ŭ toj dzień skłała 1,5 młn niedenaminavanych rubloŭ.
Złačyncaŭ znajšli praz paŭtary hadziny. Dapamahli miascovyja žychary. Charakterna, što saŭdzielniki pakinuli viosku paasobku, sprabavali schavać ślady.
Hałoŭnaha fihuranta spravy — małodšaha z napadnikaŭ — pryhavaryli da 24 hadoŭ kałonii, mienavita jaho pryznali vinavatym u zabojstvie pradaŭca. Druhomu fihurantu prysudzili 22 hady pazbaŭleńnia voli — jon, pavodle viersii śledstva, padhavaryŭ pieršaha zabić žančynu. Treci fihurant pryznany vinavatym u tym, što nie paviedamiŭ u milicyju pra złačynstva i złamyśnikaŭ, jamu pryznačyli try miesiacy aryštu.
Prysud u zakonnuju siłu nie ŭvajšoŭ i moža być abskardžany ŭ Viarchoŭnym sudzie.
