Aficyjny pradstaŭnik MZS Rasii Maryja Zacharava zajaviła, što, niahledziačy na adsutnaść pahraničnaha kantrolu na rasijska-biełaruskaj dziaržaŭnaj miažy, hramadzianie trecich krain nie pavinny ažyćciaŭlać ujezd u Rasiju biez prachodžańnia pašpartnaha kantrolu, pieradaje Gazeta.ru sa spasyłkaj na TASS.
Paviedamlajecca, što praciahły čas zamiežniki bieśpieraškodna pierasiakali rasijska-biełaruskuju miažu biez prachodžańnia praz pašpartny kantrol.
Zhodna z dyrektyvami rasijskaha MZS, hramadzianie trecich krain majuć prava ŭjezdu ŭ Rasiju tolki praz punkty propusku, jakija vałodajuć srodkami dla mižnarodnych znosinaŭ.
«Na rasijska-biełaruskaj dziaržaŭnaj miažy mižnarodnyja punkty propusku adsutničajuć, pahraničny kantrol asob i transpartnych srodkaŭ nie ažyćciaŭlajecca. Padstaŭ dla pierasiačeńnia rasijska-biełaruskaj miažy hramadzianami trecich krain niama. Da parušalnikaŭ mohuć užyvacca sankcyi ŭ adpaviednaści z rasijskim zakanadaŭstvam», — skazała Zacharava.
Pavodle jaje słoŭ, ciapier rasijskimi viedamstvami viadziecca aktyŭnaja praca pa pošuku vychadu ź situacyi, jakaja skłałasia.
