Fota Jelizaviety Dabryckaj, minsknews.by
Uračysty mitynh z hetaj nahody prajšoŭ na placy haradskoha zbornaha punkta na vulicy Anharskaj, 8. Pavinšavać budučych sałdat z pačatkam vajskovaj słužby pryjšli vieterany Vialikaj Ajčynnaj vajny i Uzbrojenych Sił, pradstaŭniki duchavienstva, baćki, blizkija i siabry pryzyŭnikoŭ. Pry hetym siarod pryzyŭnikoŭ apynuŭsia dvuchrazovy čempijon Jeŭropy pa tekvando Arman-Maršał Siła.
Pa słovach namieśnika načalnika hałoŭnaha arhanizacyjna-mabilizacyjnaha ŭpraŭleńnia Hienieralnaha štaba Uzbrojenych Sił pałkoŭnika Juryja Kuźmina, vosieńniu hetaha hoda vykliku ŭ pryzyŭnyja kamisii ŭ krainie padlahajuć bolš za 80 tysiač maładych ludziej.
Ciapier u vajennych kamisaryjatach zaviaršajecca miedycynski ahlad junakoŭ. Pryzyŭnymi kamisijami pryniata bolš za 55 tysiač rašeńniaŭ, pradastaŭlena kala 25 tysiač adterminovak. Na ŭkamplektavańnie vojskaŭ płanujecca nakiravać bolš za 10 tysiač pryzyŭnikoŭ, na słužbu ŭ reziervie — da 2 tysiač.
Hałoŭny trenier zbornaj kamandy Uzbrojenych Sił pa ciažkaj atletycy starejšy lejtenant Pavieł Harkavy supravadžaŭ da miesca pryznačeńnia čatyroch chłopcaŭ, jakija prafiesijna zajmajucca sportam.
— Siarod ich tekvandyst, fiechtavalščyk i dvoje vieślaroŭ, — skazaŭ aficer. — Jany taksama projduć kurs pačatkovaj vajennaj padrychtoŭki, prymuć Vajennuju prysiahu. Na słužbie praciahnuć zajmacca sportam.
Arman-Maršał Siła. Fota Jelizaviety Dabryckaj, minsknews.by
— Skončyŭ Biełaruski dziaržaŭny ŭniviersitet fizičnaj kultury i straciŭ prava na adterminoŭku ad pryzyvu, — jak pieradajuć «Minsk-Naviny», raspavioŭ dvuchrazovy čempijon Jeŭropy pa tekvando Arman-Maršał Siła. — Pryjšła pozva z vajennaha kamisaryjata Frunzienskaha rajona, i voś ja tut, na pryzyŭnym punkcie. Na słužbu adpraŭlajusia z bajavym nastrojem.
