Inviestprajekt realizavała tureckaje TAA «Siednat». Budaŭnictva finansavałasia tureckim inviestaram Ihdedžy Siedatam. U abjekt ŭkładziena kala 12 miljonaŭ dalaraŭ.
Fota: Leanid Ščehłoŭ
Siońnia šaścipaviarchovy budynak haścinicy prymaŭ vysokich haściej — na cyrymoniju adkryćcia pieršaha ŭ horadzie trochzorkavaha hatela pryjechali namieśnik premjer-ministra Respubliki Biełaruś Uładzimir Siamaška, ministr enierhietyki Uładzimir Patupčyk, namieśnik staršyni abłvykankama Uładzimir Dziaško. U cyrymonii taksama ŭziaŭ udzieł deputat Pałaty pradstaŭnikoŭ Kavalko Adam.
Na cyrymonii adkryćcia hanarovym haściam uručyli pamiatnyja znaki i simvaličnyja klučy ad novaj haścinicy.
— My ŭdziačnyja miascovym uładam za toje, što jany vitajuć našu inicyjatyvu i akazvajuć usialakaje sadziejničańnie — skazaŭ inviestar, staršynia asacyjacyi «Turecki kapitał» Ihdedžy Siedat. — My robim adnu spravu — raźvivajem rehijon. Da taho momantu, kali ŭ Astraviec pryjeduć śpiecyjalisty z usioj krainy i z-za miažy, ahulnymi namahańniami my ŭžo padrychtujem dla ich usio nieabchodnaje: haścinicy, kafe, kramy, centry volnaha času, bazy adpačynku.
Paśla ŭračystaha adkryćcia adbyłasia ekskursija pa hateli. U šaścipaviarchovym budynku 68 numaroŭ, jakija całkam ukamplektavany sučasnaj kamfortnaj meblaj, vyrablenaj na zamovu.
Fota: Leanid Ščehłoŭ
Na pieršym paviersie hatovy da adkryćcia restaran, na druhim — słužbovyja pamiaškańni i prastornaja kanfierenc-zała.
Budaŭnictva haścinicy — heta pieršy, ale nie adziny abjekt tureckaha inviestara na Astravieččynie. Pobač z pamiežnym punktam propusku «Katłoŭka» na biełaruska-litoŭskaj miažy ŭžo ŭźviedziena pieršaja čarha aŭtazapravačnaj stancyi, budujecca punkt prydarožnaha servisu — druhaja čarha AZS, matel, kafe i mahazin, parkinh na 250 miescaŭ dla vielikahruznych aŭtamabilaŭ.
U samim Astraŭcy tureckaj kampanii vyłučany pad zabudovu ŭčastak dla budaŭnictva šmatkvaternaha žyłoha doma.