Žanočaja zbornaja Biełarusi, jakaja zaniała druhoje miesca ŭ hrupie «G», voźmie ŭdzieł u čempijanacie Jeŭropy-2017.
Heta stała mahčymym dziakujučy pieramozie zbornaj Francyi nad kamandaj Charvatyi ŭ zaklučnym matčy kvalifikacyjnaha raŭnda Jeŭrabaskieta (84:65) u kvartecie «V». Na ČIE-2017, akramia pieramožcaŭ adboračnych hrup, patrapili taksama šeść ź dzieviaci zbornych, jakija zaniali druhija miescy ź lepšymi pakazčykami: biełaruski, jakija finišavali šostymi ŭ dadzienym rejtynhu, abyšli dziaŭčat ź Izraila, Šviecyi i Charvatyi.
Rejtynh kamand, jakija zaniali ŭ adboračnych hrupach druhija miescy: 1. Łatvija, 2. Hrecyja, 3. Sierbija, 4 Słavakija, 5. Čarnahoryja, 6. Biełaruś, 7. Izrail, 8. Šviecyja, 9 Charvatyja.
Čempijanat Jeŭropy-2017 projdzie 16-25 červienia ŭ Čechii, losavańnie turniru adbudziecca 9 śniežnia.
