U zaklučnym matčy 26-ha čempijanatu Biełarusi pa futbole uładalnik zołata barysaŭski BATE razhramiŭ «Haradzieju» ź likam 5:0, paviedamlaje BiełTA.
fcbate.by
Apošni matč siezona na pole «Barysaŭ-Areny» prajšoŭ ź vialikaj pieravahaj 13-kratnych čempijonaŭ krainy. Jašče da pierapynku barysaŭčanie trojčy parazili varoty haściej, pryčym pieršyja dva hały zabili lidary napadaŭ BATE Vital Radzivonaŭ i Michaił Hardziajčuk. U abodvuch stała pa 15 miačoŭ, i jany akazalisia najlepšymi bambardzirami pieršynstva. U pieršym tajmie taksama vyznačyŭsia Mirka Ivanič. U druhoj pałovie hulni padapiečnyja Alaksandra Jermakoviča jašče dvojčy paradavali svaich zaŭziataraŭ — na 57-j chvilinie bramu Paŭła Časnoŭskaha prabiŭ Alaksandr Vaładźko, a za 10 chvilin da finalnaha śvistka apošniuju kropku pastaviŭ Juryj Kiendyš.
Vyniki astatnich matčaŭ 30-ha tura:
- «Nioman» (Hrodna) — «Naftan» (Navapołack) — 0:1,
- «Biełšyna» (Babrujsk) — «Hranit» (Mikaševičy) — 1:1,
- «Słavija» (Mazyr) — «Dynama» (Minsk) - 1:0,
- «Isłač» (Minski rajon) — «Słuck» - 2:0,
- «Minsk» — «Krumkačy» (Minsk) — 1:0,
- «Tarpieda-BiełAZ» (Žodzina) — «Šachcior» (Salihorsk) — 1:1,
- «Dynama» (Brest) — «Viciebsk» — 3:0.
Vynikovaje stanovišča:
1. BATE — 70 ačkoŭ (roźnica miačoŭ — 73-25),
2. «Šachcior» — 59 (46-20),
3. «Dynama» (Minsk) — 55 (46-28),
4. «Minsk» — 53 (49-24),
5. «Tarpieda-BiełAZ» — 48 (47-33),
6. «Viciebsk» — 42 (30-26),
7. «Isłač» — 41 (33-39),
8.»Dynama» (Brest) — 40 (38-38),
9. «Haradzieja» — 38 (36-39),
10. «Słavija» — 35 (33-49),
11. «Krumkačy» — 33 (24-39),
12. «Słuck» — 30 (22-34),
13. «Nioman» — 29 (21-36),
14. «Naftan» — 29 (25-46),
15. «Biełšyna» — 25 (34-45),
16. «Hranit» — 25 (20-56).
Vyšejšuju lihu pakidajuć «Biełšyna» i «Hranit», miesca jakich u 2017 hodzie zojmuć najlepšyja kamandy pieršaj lihi nacyjanalnaha čempijanatu «Homiel» i mahiloŭski «Dniepr».
