U pačatku listapada 35 biežancaŭ — 16 darosłych i 19 dziaciej — źbiehli na arandavanym aŭtobusie z centra pryjomu biežancaŭ u litoŭskim miastečku Rukła. Heta byli pieršyja masavyja ŭcioki mihrantaŭ ź Litvy. Sami jany navat napisali ŭ sacyjalnaj sietcy, što jeduć u Hiermaniju. Litoŭskija čynoŭniki miarkujuć, što jany rychtavali ŭcioki kala tydnia.
Delfi
Adnak padobna, što ich płan nie spracavaŭ, piša Delfi.
Vice-ministr sacyjalnaj abarony i pracy Alhirdas Šešelhis skazaŭ, što častka ź ich nie atrymała dazvoł na žycharstva ŭ Hiermanii: «Jakim budzie ich dalejšy los, ja nie viedaju, ciažka skazać, ale ciapier MUS vyśviatlaje hetaje pytańnie. Adnak jość infarmacyja pra toje, što tyja, chto źviartaŭsia pa dazvoł, nie atrymali jaho».
Pa jaho słovach, ciažka skazać, što ŭciekačy buduć rabić dalej.
«Pavodle pravił, na miesiac čałaviek moža źjechać. Ale kali nie vierniecca praź miesiac, to śpiecyjalnaja kamisija razhledzić usie abstaviny i prymie rašeńnie. My prymajem ich dla intehracyi, starajemsia zrabić tak, kab jany mahli žyć u Litvie. Ale kali jany pryjechali tolki dla taho, kab atrymać adpaviedny status biežanca abo dazvoł na žyćcio ŭ Litvie, a potym płanujuć jechać kudy-niebudź u inšaje miesca, ciažka prahnazavać ich dalejšyja dziejańni», — skazaŭ vice-ministr.
Dyrektar Departamienta mihracyi Evielina Hudztnskajcie paviedamiła, što kali budzie vyrašana viarnuć uciekačoŭ, to heta niemcy pavinny rabić za svoj košt. «Jość sistema, kali ludzi źviarnulisia pa status u adnoj krainie, to jany nie mohuć paŭtorna źviartacca ŭ inšaj», — skazała jana.
