Žychara Baranavičaŭ udžaliŭ, chutčej za ŭsio, skarpijon. Takoje mierkavańnie karespandentu BiełTA vykazaŭ načalnik Baranavickaj haradskoj vieterynarnaj stancyi Siarhiej Nikałajeŭ.
«Pa vonkavych prykmietach my vyznačyli, što heta skarpijon. Jaho pamier prykładna 5-7 sm, ciomnaj afarboŭki z žoŭtymi łapkami. U zaołahaŭ zapytali infarmacyju, kab jany padkazali, da jakoha kankretna vidu jon adnosicca», - raspavioŭ Siarhiej Nikałajeŭ. I dadaŭ, što ekzatyčny hość vypadkova apynuŭsia ŭ skryncy z bananami. Chutčej za ŭsio, jon vyžyŭ padčas doŭhaj transparciroŭki i sanitarnaj apracoŭki pradukcyi.
Jak paviedamlałasia raniej, incydent adbyŭsia ŭ Baranavičach 30 listapada. Nieviadomaje nasiakomaje ŭdžaliła mužčynu za palec, kali, pa jaho słovach, jon vybiraŭ ŭ kramie banany. Paciarpiełaha špitalizavali ŭ reanimacyjnaje adździaleńnie harbalnicy №2, u mužčyny byŭ nievialiki aciok palca. Na nastupny dzień pacyjenta ŭžo vypisali, jaho zdaroŭju ničoha nie pahražaje.
