Alaksandr Chackievič bolš nie źjaŭlajecca hałoŭnym trenieram zbornaj Biełarusi. Biełaruskaja fiederacyja futboła daterminova skasavała ź im kantrakt, raźličany da listapada 2017 hoda, paviedamlaje «Priessboł».
Staršynia futbolnaj fiederacyi Siarhiej Rumas patłumačyŭ, što Chackieviču było prapanavana źmienšyć zarobak praź niaŭdałyja vyniki pracy. Adnak toj admoviŭsia, u vyniku čaho damova była razarvanaja.
U śniežni 2014 hoda Alaksandr Chackievič źmianiŭ na trenierskaj pasadzie Andreja Zyhmantoviča, jaki niadoŭha kiravaŭ zbornaj u statusie «v.a.» paśla adstaŭki Hieorhija Kandraćjeva.
Na novym miescy rulavy startavaŭ u kancoŭcy adboru na ČIE-2016, atrymaŭšy pieramohi nad makiedoncami, luksiemburžcam i słavakami i paciarpieŭšy paražeńni ad ispancaŭ i ŭkraincaŭ. U novym cykle spravy ŭ zbornaj Biełarusi nie załadzilisia. Paśla ničyjoj z francuzami jaje čakali parazy ad hałandcaŭ i ničyja ź luksiemburžcam, što značna ŭskładniła vykanańnie ahučanaj zadačy ŭ kvalifikacyi na ČS-2018 - zaniać jak minimum treciaje miesca ŭ hrupie.
