Ilustracyjnaje fota, president.gov.by
Mitrapalit Minski i Zasłaŭski Pavieł, Patryjaršy Ekzarch usioj Biełarusi pavinšavaŭ Alaksandra Łukašenku z dniom pamiaci dabraviernaha kniazia Alaksandra Nieŭskaha. Tekst vinšavańnia raźmieščany na aficyjnym partale Biełaruskaj pravasłaŭnaj carkvy.
Śviaty vierny kniaź Alaksandr uvasobiŭ u svaim žyćci jevanhielski ideał lubovi. Imia hetaha ŭhodnika Boskaha ŭ śviadomaści naroda źviazana z hłybokim patryjatyzmam, hatoŭnaściu da lubych podźvihaŭ u imia intaresaŭ svajoj Radzimy. Asabistaj pabožnaściu i samaaddanym słužeńniem Ajčynie śviatoj Alaksandr zdabyŭ bahaćcie łaski Božaj, i dabratvornaść zrabiła jaho niepieramožnym dla vorahaŭ i nie pa hadach mudrym dziaržaŭnym kiraŭnikom, havorycca ŭ vinšavańni.
«Vam ułaścivaja takaja ž samaaddanaść u słužeńni rodnaj Ajčynie i ŭsiamu biełaruskamu narodu,— padkreślivajecca ŭ vinšavańni. — Pieryjad Vašaha mudraha kiraŭnictva na pasadzie kiraŭnika dziaržavy charaktaryzujecca ŭstojlivym raźvićciom usich halin krainy.
Pryjemna, što hety pieryjad adznačany dla Biełaruskaj pravasłaŭnaj carkvy adradžeńniem razburanych śviatyń, ažyćciaŭleńniem ŭ žyćcio maštabnych prajektaŭ i carkoŭna-hramadskich inicyjatyŭ, nakiravanych na zaćviardžeńnie duchoŭna-maralnych kaštoŭnaściaŭ i zachavańnie kulturnaj spadčyny krainy».
Mitrapalit Pavieł pažadaŭ kiraŭniku biełaruskaj dziaržavy mocnaha zdaroŭja, dabrabytu i Božaj dapamohi ŭ adkaznych trudach.