«Našy chłopcy rychtujucca sustreć Pucina ŭ Estonii», — piša brytanskaja Daily Mail pra vučeńni brytanskaj armii na palihonie kala brytanskaha Sołśbiery.
U vučeńniach brali ŭdzieł padraździaleńni i cyvilnyja kantraktniki, jakija pavinny byli imitavać rasijskuju armiju - u pryvatnaści byli zadziejničanyja tanki T-72 i T-55, hrupy žaŭnieraŭ u błakitnaj i šeraj uniformie z aŭtamatami AK-74.
«Ideja — simulavać elemienty rasijskaj invazii va Uschodniuju Ukrainu ŭ 2014 hodzie», — skazaŭ haziecie pradstaŭnik Minabarony.
dailymail.co.uk
Nastup tankaŭ i piachoty praciŭnika byŭ sustrety viertalotami Apache, udarami samalotaŭ Tornado, tankami Challenger, bajavymi mašynami piachoty Warrior.
Častka ŭdzielnikaŭ vučeńniaŭ chutka adpravicca ŭ Estoniju ŭ jakaści elemienta šmatnacyjanalnaha kantynhientu NATA.