Dziaržaŭnaja duma Rasii zaćvierdziła ŭ druhim čytańni papraŭki ŭ biudžet na 2017 hod, jakija praduhledžvajuć vydzialeńnie telekanału RT (Russia Today, «TV-Naviny») dadatkova 1,22 miljarda rasijskich rubloŭ (20 młn dalaraŭ) «na stvareńnie, raźvićcio, padtrymańnie i raspaŭsiud televizijnaha kanała na francuzskaj movie». Ahulnaje finansavańnie RT dasiahnie 18,74 miljarda rubloŭ (amal 300 młn dalaraŭ).
Źmieny ŭ prajekt fiederalnaha biudžetu prapanavaŭ unieści ŭrad. Ab dadatkovym finansavańni zamiežnaha viaščańnia ŭ kancy listapada paviedamlaŭ namieśnik ministra suviazi i masavych kamunikacyj Rasii Alaksiej Volin.
Raniej u biudžecie było zakładziena zachavańnie finansavańnia RT na raniejšym uzroŭni, prybaŭka była zapłanavana tolki dla fiederalnych kanałaŭ. Apytanyja vydańniem ekśpierty miarkujuć, što pavieličeńnie finansavańnia źviazana z paharšeńniem mižnarodnaha stanovišča i mahčymaj pieramohaj na prezidenckich vybarach u Francyi Fransua Fijona, jaki pradstaŭlaje abjadnańnie pravych i centrystaŭ.
