Homielski kaardynatar pa stvareńni hramadskaha abjadnańnia "Biełaruskaja chryścijanskaja demakratyja" Kanstancin Žukoŭski atrymaŭ pozvu ŭ AUS Centralnaha rajona. U poźvie adznačana, što 8 lipienia jamu nieabchodna źjavicca da opierupaŭnavažanaha kryminalnaha vyšuku dla hutarki.
Ranicaj 7 lipienia K.Žukoŭskamu patelefanavali ź milicyi i patłumačyli, što vyklikajuć jaho dla apytańnia nakont vybuchu 4 lipienia ŭ Minsku. "Pozva aformlena niapravilna, tam nie ŭkazana, u jakaści kaho mianie vyklikajuć — śviedki, paciarpiełaha abo padazronaha, što takoje "hutarka", ja nie razumieju, — zaznačyŭ u intervju BiełaPAN K.Žukoŭski. — Ja ŭ milicyju nie pajdu, niachaj chacia b pozvy afarmlajuć pravilna. Mnie, jak hramadzianinu, pavinny byli pad rośpis uručyć pozvu i rastłumačyć, u jakaści kaho mianie vyklikajuć. Kali ja ŭ apazicyi — heta nie značyć, što ja ŭ čymści vinavaty".
Palityk maje namier bałatavacca ŭ deputaty biełaruskaha parłamienta pa Buda-Kašaloŭskaj akruzie i zvanok ź milicyi źviazvaje ź imknieńniem uładaŭ akazać na jaho psichałahičny cisk.
U adździele kryminalnaha vyšuku AUS Centralnaha rajona BiełaPAN admovilisia kamientavać pryčyny vykliku K. Žukoŭskaha ŭ milicyju i spasłalisia na toje, što maładoha čałavieka vyklikajuć prosta pahutaryć. Supracoŭniki vyšuku zaznačyli, što vykliki ŭ milicyju — dziejnaść pravaachoŭnych orhanaŭ, i milicyja nie abaviazana aśviatlać abstaviny śledstva ŭ presie.
U Čerykavie i Klimavičach u spravie vybuchaŭ u Miensku ŭžo dapytvali dziejačoŭ apazycyi.
