Maładziečanski rajonny adździeł Śledčaha kamiteta rasśleduje kryminalnuju spravu, raspačatuju ŭ listapadzie pa fakcie źniknieńnia žychara vioski Čyść Maładziečanskaha rajona Aleha Łapšyna. Pra heta havorycca ŭ paviedamleńniaficyjnaha pradstaŭnika USK pa Minskaj vobłaści Taćciany Biełanoh, raźmieščanym na sajcie Śledčaha kamiteta.
sk.gov.by
Śledstva vyjaviła, što 19 kastryčnika mužčyna pajšoŭ z domu, paśla čaho svajaki stracili ź im suviaź. «Pavodle najaŭnych u śledstva źviestak, Aleh Łapšyn u pieršaj pałovie dnia 20 kastryčnika ŭ TAA «Arendaaŭtaprakat» u Minsku arandavaŭ aŭtamabil marki «Šeŭrale Aviea», jaki zatym śledča-apieratyŭnaj hrupaj byŭ znojdzieny ŭ lasnym masivie kala vioski Rajoŭka Maładziečanskaha rajona ŭ niepasrednaj blizkaści ź miažoj Vilejskaha rajona», — adznačajecca ŭ paviedamleńni.
Śledčy kamitet paviedamlaje prykmiety źnikłaha: mužčyna chudarlavaha ciełaskładu, rostam kala 182 sm, pamier abutku 43. Byŭ apranuty ŭ sinija džynsy, čorny švedar pad horła. Asablivyja prykmiety: na šyi la vucha źleva majucca try čyrvonyja radzimyja plamy.
Śledstva źviartajecca da hramadzian, jakija majuć infarmacyju ab źnikłym, z prośbaj akazać dapamohu ŭ jaho vyšuku, źviarnuŭšysia ŭ Maładziečanski RAUS, pa telefonie: 8 (0176) 74-96-83, 8 (029) 546-40-44 abo 102, albo ŭ Maładziečanski rajonny adździeł Śledčaha kamiteta, jaki raźmieščany ŭ Maładziečnie na vulicy Prytyckaha, 23 (kabiniet 208) abo pa telefonie: 8 (0176) 77-24-31, 8 (029) 695-09-84.
