Apieratar Verizon admoviŭsia raspaŭsiudžvać u svaich sietkach abnaŭleńnie ad kampanii Samsung, paśla ŭstanoŭki jakoha telefony Galaxy Note 7 budzie niemahčyma zaradzić.
U zajavie apieratara havorycca, što abnaŭleńnie stvaraje dadatkovuju ryzyku dla karystalnikaŭ, u jakich niama inšaha telefona. Jany nie zmohuć źviazacca z rodnymi abo źviarnucca pa miedycynskuju dapamohu ŭ ekstranaj situacyi.
Samsung abviaściŭ, što budzie raspaŭsiudžvać abnaŭleńnie ŭ ZŠA na praciahu 30 dzion, pačynajučy z 19 śniežnia. Kampanija adznačyła, što pakupniki ŭžo viarnuli bolš za 93 % adklikanych telefonaŭ Galaxy Note 7.
Galaxy Note 7, fłahmanskaja madel telefonaŭ Samsung, była vypuščana ŭ žniŭni 2016 hoda. Nieŭzabavie karystalniki pačali skardzicca, što aparaty zaharajucca i vybuchajuć pry padzaradcy. U ZŠA zabaranili pranosić Galaxy Note 7 na bort samalotaŭ.
Pryčynaj uzharańnia telefonaŭ byŭ vytvorčy defiekt akumulatara. Samsung adklikała telefony, ale praź niekatory čas adnaviła prodaž, zajaviŭšy, što defiekt likvidavany. Adnak skarhi ŭsio adno pastupali, i ŭ kastryčniku Samsung vyrašyła spynić vytvorčaść Galaxy Note 7.
