Amerykanskija vajskoŭcy paviedamili pra hibiel adnaho ź lideraŭ «Isłamskaj dziaržavy». Bubakier al-Chakim byŭ zabity ŭdaram ź bieśpilotnika 26 listapada ŭ syryjskim horadzie Raka, viadomym jak kamandny centar isłamistaŭ.
Al-Chakim — francuz tuniskaha pachodžańnia — byŭ adnym z arhanizataraŭ napadu na redakcyju satyryčnaha časopisa Charlie Hebdo ŭ studzieni 2015 hodu. Jon dałučyŭsia da radykalnych płyniaŭ paśla pačatku vajennaj aperacyi ZŠA ŭ Iraku ŭ 2003 hodzie. U 2008 hodzie sud u Francyi prysudziŭ Al-Chakimu siem hadoŭ turmy za viarboŭku musulman u Paryžy dla ŭčynieńnia teraktaŭ.
7 studzienia 2015 hodu ŭ Paryžy dvoje ŭzbrojenych ludziej raspačali stralaninu ŭ redakcyi Charlie Hebdo, zahinuli 12 čałaviek. Isłamisty, jakija ŭčynili napad, zajavili, što heta była pomsta za karykatury na praroka Muchamada.
