Jak paviedamlaje pres-słužba Biełčyhunki, u hetym hrafiku jość 36 par ciahnikoŭ haradskich linijaŭ pa maršrutach Minsk-Biełaruś, Minsk-Rudziensk i Minsk-Smalavičy. U rehijanalnych znosinach budzie 21 para ciahnikoŭ biznes-kłasa i 340 par ciahnikoŭ ekanomkłasa. U mižrehijanalnych znosinach praduhledžana kursiravańnie 42 par ciahnikoŭ, u tym liku 4 ciahniki ekanomkłasa pieraviedzienyja ŭ katehoryju biznes-kłasa.
Ciapier Biełčyhunka pracuje nad tym, kab zrabić chutkimi i kamfortnymi pajezdki pamiž stalicaj i abłasnymi centrami, a taksama pamiž bujnymi haradami krainy. Naprykład, pa maršrucie Homiel-Mahiloŭ budzie chadzić ciahnik biznes-kłasa №720/719, jaki zamienić ciahnik ekanomkłasa №654/653. Zapuściać i kamfartabielnyja dyziel-ciahniki na maršrucie Viciebsk-Mahiloŭ — budzie pryznačany ciahnik biznes-kłasa №705/706, maršrut jakoha padoŭžać da Połacka.
Na kirunku Minsk-Homiel na stałaj asnovie praduhledžana kursiravańnie ciahnika biznes-kłasa №716/715. Taksama tut puściać novy ciahnik №717/718 Homiel-Minsk pa piatnicach i niadzielach, pa pieradvychodnych i pieradśviatočnych dniach. Aproč taho, z 11 śniežnia elektraciahniki mižrehijanalnych linij biznes-kłasa №707/708 Homiel-Minsk i №710/709 Minsk-Homiel buduć chadzić pa piatnicach, vychodnych, pieradśviatočnych i śviatočnych dniach padvojenym sastavam (14 vahonaŭ).
U mižnarodnych znosinach praduhledžanaje kursiravańnie 56 par ciahnikoŭ, 36 ź ich — farmavańnia Biełčyhunki. Zachavajucca dziejučyja maršruty da Čarnamorskaha ŭźbiarežža. Vyznačanyja i ciahniki ŭ znosinach z Rasijaj — №50/49 Brest-Sankt-Pieciarburh, №78/77 Hrodna-Maskva, №132/131 Brest-Maskva. Hetyja ciahniki buduć chadzić štodnia z 22 śniežnia pa 9 studzienia, z 23 sakavika pa 3 krasavika, z 27 krasavika pa 10 traŭnia, z 1 červienia pa 31 žniŭnia, z 26 kastryčnika pa 8 listapada.
