Fota naviny.by
U tekście havorycca, što miedycynskija i farmaceŭtyčnyja rabotniki pavinny być vietlivymi i strymanymi padčas pracy. U razmovie z pacyjentami, jany pavinny sačyć za karektnaściu nie tolki taho, što jany havorać, ale taksama žestaŭ i mimiki. Taksama miedrabotniki pavinny być pamiarkoŭnymi, pavažać pohlady inšych ludziej i nie dapuskać dyskryminacyi pa lubych prykmietach, ad nacyjanalnaj da moŭnaj. Jany pavinny zachoŭvać miedycynskuju tajamnicu.
U dakumiencie skazana, što krytyka nie pavinna ŭpłyvać na jakaść pracy miedyka. Toje samaje tyčycca palityki i asabistaj zacikaŭlenaści — miedrabotnik pavinien vyklučyć upłyŭ hetych faktaraŭ na svaje abaviazki. Dakumient abaviazvaje doktara raspaviadać pacyjentu pra niepažadany efiekt pryznačanych lekaŭ i nie dapuskać rekłamy.
Što tyčycca ŭzajemaadnosinaŭ z kalehami, miedrabotniki pavinny być patrabavalnyja, ale vietlivyja, nie aceńvać kaleh u prysutnaści pacyjenta, nie prykryvać machlarstva i karupcyju i nie zajmacca hetym samim. Jany pavinny «paźbiahać lubych dziejańniaŭ, jakija padryvajuć davier hramadstva da sistemy achovy zdaroŭja».
Asobna skazana pra źniešni vyhlad miedycynskich rabotnikaŭ. Tak, dakumient zabaraniaje nasić na pracy vopratku z prazrystych tkanin, šyjnyja šaliki, bujnyja ŭpryhažeńni, plažny abutak i abutak na vysokim abcasie. Miedycynski chałat pavinien prykryvać minimum dźvie traciny ściahna. Nielha karystacca jarkaj kaśmietykaj, rezkimi duchami i nasić naroščanyja paznohci. Taksama niedapuščalna adkrytaje našeńnie relihijnych znakaŭ i simvałaŭ.
Zaŭvahi i prapanovy pa dakumientu možna adpraŭlać va ŭpraŭleńnie kadravaj palityki Ministerstva achovy zdaroŭja na elektronny adras [email protected] da 29 śniežnia 2016 hoda.
