kaibaiboner.by
Pra heta paviedamlaje pres-słužba MNS.
12 śniežnia ŭ 01:55 pastupiła paviedamleńnie ab adklučeńni elektraenierhii ŭ 5 rajonach (Zavodski, Leninski, Kastryčnicki, Maskoŭski i Frunzienski) Minska i 49 nasielenych punktach Minskaha rajona. U vyniku pahašeńnia sistemy šyn 110kV na adkrytaj raźmierkavalnaj pryładzie na terytoryi filijała «Minskaja CEC-4» RUP «Minskenierha» ŭ hałoŭnym korpusie adbyłosia spynieńnie troch hazavych turbahienierataraŭ (usiaho 6 turbahienierataraŭ).
Parušałasia elektrazabieśpiačeńnie spažyŭcoŭ žyłoha siektara, 5 kacielniaŭ («Charkaŭskaja», «Masiukoŭščyna», «Arłoŭskaja», «Kurasoŭščyna», «Zachodniaja»), Dziciačaj infiekcyjnaj kliničnaj balnicy, Haradskoj hiniekałahičnaj balnicy, 2-m haradskim radzilnym domie (elektrazabieśpiačeńnie abjektaŭ achovy zdaroŭja ažyćciaŭlałasia ad reziervovych dyzielnych hienierataraŭ) u Minsku i 21 kacielni ŭ Minskim rajonie.
Dla elektrazabieśpiačeńnia byli zadziejničanyja niekalki pierasoŭnych hienierataraŭ.
U 02:45 adnoŭlena elektrazabieśpiačeńnie spažyŭcoŭ u Minsku. U 04:34 častkova adnoŭlena elektrazabieśpiačeńnie ŭ Minskim rajonie. Pryčyna adklučeńnia vyśviatlajecca.