Polskaja pamiežnaja achova z pačatku 2016 hoda čatyry razy rehistravała parušeńni svajoj pavietranaj prastory bieśpiłotnikami z rasijskaj terytoryi, paviedamlaje polskieradio.pl.
Rasijskija drony prylatali z boku Kalininhradskaj vobłaści, dzie znachodzicca vialikaja rasijskaja vajskovaja baza.
Rasijski mały raźviedvalny bieśpiłotnik «Eleron-3».
Apošni raz incydent adbyŭsia ŭ kancy listapada. Bieśpiłotniki zalatali ŭ polskuju prastoru na adlehłaść da 1 km na vyšyni da 100 m.
Kožny raz pamiežniki infarmavali pra situacyju svaje VPS. U Ministerstvie abarony Polščy admovilisia ad kansultacyj, spasyłajučysia na sakretnaść.
Drony navat biez zbroi mohuć vykarystoŭvacca dla raźviedki, identyfikacyi celaŭ i karektyroŭki rakietna-artyleryjskich udaraŭ, jak heta rehularna adbyvajecca na froncie va Ukrainie.