U listapadzie Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj MUS zatrymała śviatara z Hatava Kanstancina Burykina. Jaho padazrajuć u niezakonnych dziejańniach u dačynieńni da bojeprypasaŭ (č. 2 art. 295 KK). Ciapier idzie śledstva. Ministr unutranych spraŭ Ihar Šunievič raskazaŭ, što jaho supracoŭniki arhanizavali pieratrus u kvatery «baciuški sa svastykaj» pa navodcy, piša Tut.by.
— My nie viali jaho doŭha, a addali apieratyŭnyja dadzienyja na realizacyju adrazu paśla pravierki zajavy, — raspavioŭ ministr unutranych spraŭ.
— Jak były śledčy, mahu skazać: pa 295-m artykule, pavodle jakoha zaviedziena sprava, dosyć prosty abjom dakazvańnia. Pa ŭsich astatnich, źviazanym z hetym anturažnym pytańniem daść acenku śledstva. Ja hladzieŭ fatahrafii, jakija pastupili na jaho, ja mahu skazać, na niejkim žyćciovym etapie jon prytrymlivaŭsia hetych [nacysckich] pohladaŭ. Mahčyma, prytrymlivajecca i ciapier, — nie vyklučyŭ kiraŭnik MUS.
Paśla zatrymańnia ŭ minskaj kvatery śviatara prajšoŭ pieratrus, padčas jakoha byli kanfiskavanyja niekalki patronaŭ.
Hladzi taksama: Rasśledavańnie: jak «baciuška sa svastykaj» rasparadžaŭsia biudžetnymi miljardami
