Padatkovyja orhany nakiravali 72,9 tys. paviedamleńniaŭ na vypłatu zboru hramadzianam, jakija nie ŭdzielničajuć u finansavańni dziaržaŭnych raschodaŭ, paviedamlaje adździeł infarmacyjna-rastłumačalnaj raboty Ministerstva pa padatkach i zborach.
Pry hetym zbor vypłacili 10,8 tys. hramadzian. Ad płacielščykaŭ zboru pastupiła 3,2 młn denaminavanych rubloŭ.
U MPZ źviartajuć uvahu, što pry atrymańni paviedamleńnia na vypłatu zboru hramadzianin maje prava pradstavić u padatkovy orhan dakumienty abo tłumačeńni, jakija śviedčać ab adsutnaści ŭ jaho abaviazku pa vypłacie zboru.
Prainfarmavać padatkovy orhan ab pravie na vyzvaleńnie možna, jak źviarnuŭšysia ŭ inśpiekcyju asabista, tak i šlacham nakiravańnia paviedamleńnia ŭ padatkovy orhan praz raźmieščany na sajcie ministerstva servis «Elektronny zvarot».
