U studzieni—vieraśni pramyja zamiežnyja inviestycyi na čystaj asnovie, jakija pastupili ŭ Biełaruś, skłali 1 młrd 82,3 młn dołaraŭ i źnizilisia na 27% u paraŭnańni z anałahičnym pieryjadam minułaha hoda, śviedčać dadzienyja aficyjnaj statystyki.
Pramyja zamiežnyja inviestycyi, jakija pastupili ŭ realny siektar ekanomiki Biełarusi, u studzieni—vieraśni skłali 899,3 młn dołaraŭ i źnizilisia na 20% u paraŭnańni z anałahičnym pieryjadam minułaha hoda.
U bankaŭski siektar, pavodle aficyjnych statystyčnych dadzienych, u studzieni—vieraśni pastupiła 121,3 młn dołaraŭ, što na 56,8% mienš u paraŭnańni z anałahičnym pieryjadam minułaha hoda.
Ad prodažu fizičnymi asobami nieruchomaści nierezidentam u studzieni—vieraśni pastupiła 51,5 młn dołaraŭ, na 18,5% mienš u paraŭnańni z anałahičnym pieryjadam minułaha hoda.
Varta adznačyć, što źnižeńnie prytoku pramych zamiežnych inviestycyj sioleta nazirajecca praktyčna va ŭsich abłaściach Biełarusi (za vyklučeńniem Hrodzienskaj).
Tak, u Bresckaj vobłaści prytok pramych zamiežnych inviestycyj u paraŭnańni z anałahičnym pieryjadam minułaha hoda źniziŭsia na 31,2%, u Viciebskaj — na 35,7%, u Homielskaj — na 19%, u Minsku — na 24,7%, u Minskaj — na 28,8%, u Mahiloŭskaj — amal na 80%.
U studzieni—vieraśni zamiežnyja inviestycyi, jakija pastupili ŭ Biełaruś, źmienšylisia jak z krain SND, tak i z krain pa-za SND.
Pavodle dadzienych aficyjnaj statystyki, za dzieviać miesiacaŭ hetaha hoda ŭ realny siektar Biełarusi z krain SND pastupiła 331,5 młn dołaraŭ, što na 28,7% mienš u paraŭnańni z anałahičnym pieryjadam minułaha hoda. U toj ža čas z krain pa-za SND u Biełaruś pastupiła 567,9 młn dołaraŭ (na 13,9% mienš u paraŭnańni ź dzieviaćciu miesiacami minułaha hoda).
