Ahulnaja praciahłaść soniečnaha zaćmieńnia 1 žniŭnia 2008 h. składzie 4 z pałovaj hadziny. Častkovyja fazy pačnucca ŭ 8 hadzinaŭ 4 chviliny ranicy pavodle suśvietnaha času na terytoryi Paŭnočnaj Ameryki i skončycca ŭ 12 hadzinaŭ 38 chvilinaŭ u akvatoryi Indyjskaha akijanu. Na terytoryi Biełarusi hetaja źjava budzie naziracca častkova, u nas soniečnaje zaćmieńnie pačniecca ŭ 11:51. Hetym razam Miesiac «schavaje» ad nas kala 40% Sonca.
Całkam hetuju źjavu možna budzie nazirać u režymie on‑line u Siecivie. Naprykład, na sajcie NASA.
Usim achvočym panazirać za hetaj redkaj źjavaj varta pamiatać pra niebiaśpieku, što chavaje ŭ sabie nazirańnie za Soncam nieabaronienymi vačyma. Asabliva heta datyčyć tych, chto źbirajecca adsočvać budučaje zaćmieńnie z dapamohaj aptyčnych pryładaŭ. Kab zaścierahčy vočy ad nieminučaj traŭmy treba abstalavać svaje binokli i abjektyvy fotaaparataŭ ciomnym śvietłafiltram. Prostym amataram varta pakłapacicca pra kavałak zaciemnienaha škła.
Admysłoŭcy śćviardžajuć, što zaćmieńni Sonca — poŭnyja, ci častkovyja, nie ŭpłyvajuć na stan zdaroŭja čałavieka, a taksama na dziejnaść radyjo‑ i sotavaj suviazi.
Pieršymi soniečnaje zaćmieńnie sioleta pabačać haradziency. Tut jano pačniecca ŭ 11:51), dasiahnie maksymumu ŭ 12:52 i skončycca ŭ 13:53. Pry hetym soniečny dysk schavajecca na 40%.
Bieraście — pačatak u11:54, maksymum — 12:53, kaniec — 13:52, ciomnaja zona składzie 36%.
Viciebsk — pačatak u 11:55, maksymum — 13:00, kaniec — 14:03, ciomnaja zona — 49%.
Homiel — pačatak u 12:00, maksymum —13:04, kaniec — 14:06, ciomnaja zona — 44%.
Miensk — pačatak u 11:54, maksymum —12:57, kaniec — 13:53, ciomnaja zona — 44%
Mahiloŭ — pačatak u 11:57, maksymum — 13:01, kaniec — 14:04, ciomnaja zona — 47%.
Apošni raz žychary Biełarusi mahli nazirać soniečnaje zaćmieńnie 29 sakavika 2006 h. Jano taksama było častkovym (0,6 ad pavierchni Sonca) i praciahvałasia z 13.01 da 15.08. Poŭnaje soniečnaje zaćmieńnie, jakoje možna było nazirać i ŭ nas, adbyłasia 11 žniŭnia 1999 hodu.
SP, pavodle s13.ru