Kamitetam dziaržaŭnaj biaśpieki RB u ramkach rašeńnia zadač pa zabieśpiačeńni biaśpieki funkcyjanavańnia najbujniejšych pradpryjemstvaŭ mašynabudavańnia spyniena supraćpraŭnaja dziejnaść słužbovych asob AAT «MTZ», AAT «MAZ», AAT «BiełAZ», AAT «Homsielmaš», paviedamlajecca na aficyjnym sajcie viedamstva.
Vyjaŭlena, što pradstaŭniki kiraŭnictva i pracaŭniki pradpryjemstvaŭ mašynabudaŭničaha kompleksu, za atrymańnie niezakonnych uznaharodžańniaŭ ad kamiercyjnych struktur zabiaśpiečvali prasoŭvańnie pradukcyi apošnich. Z 2013 h. za pryjomku syraviny i kamplektujučych z elemientami braku, vydaču fiktyŭnych zaklučeńniaŭ pa jakaści, atrymańnie źviestak ab pierśpiektyŭnych raspracoŭkach im pieradadziena chabaraŭ na sumu nie mienš za 200 tysiač dalaraŭ ZŠA.
U pieryjad z 5 pa 7 śniežnia 2016 h. pry atrymańni chabaraŭ na sumu bolš za 7500 rubloŭ z dokazami złačynstva zatrymanyja čaćviora pradstaŭnikoŭ AAT «MTZ», AAT «MAZ» i AAT «BiełAZ». Siarod ich finansavy dyrektar — namieśnik hienieralnaha dyrektara AAT «MTZ» N. Prymšyc.
Akramia hetaha, za atrymanyja raniej uznaharodžańni ŭ pamiery kala 40000 rubloŭ zatrymanyja jašče 4 supracoŭniki kanstruktarskich i płanava-ekanamičnych padraździaleńniaŭ AAT «MTZ».
U dačynieńni da zhadanych asobaŭ raspačatyja kryminalnyja spravy pa art. art. 430 («atrymańnie chabaru»), 433 («pryniaćcie niezakonnaha ŭznaharodžańnia») KK Respubliki Biełaruś. Da zatrymanych prymienienaja miera strymańnia ŭ vyhladzie zaklučeńnia pad vartu.
Pravodziacca nieabchodnyja apieratyŭna-vyšukovyja mierapryjemstvy i śledčyja dziejańni, nakiravanyja na vyjaŭleńnie i dakumientavańnie inšych epizodaŭ supraćpraŭnaj dziejnaści zatrymanych.
