Ministr infarmacyi Biełarusi Lilija Ananič uznačaliła Saviet pa humanitarnym supracoŭnictvie SND, paviedamili ŭ pres-słužbie Miždziaržaŭnaha fondu humanitarnaha supracoŭnictva (MFHS) dziaržaŭ — udzielnic SND.
Siońnia ŭ Maskvie ŭ štab-kvatery Miždziaržaŭnaha fondu humanitarnaha supracoŭnictva prajšło sumiesnaje pasiadžeńnie praŭleńnia fondu i Savieta pa humanitarnym supracoŭnictvie SND. Na pasiadžeńni padviedzieny vyniki raboty ŭ 2016 hodzie i zaćvierdžany prajekty, jakija buduć realizavany pry padtrymcy MFHS u bližejšy čas. Vynikam raboty fondu stali 57 maštabnych mierapryjemstvaŭ u śfiery kultury, adukacyi, sportu i maładziožnaj palityki. Mnohija akcyi byli pryśviečany važnym padziejam na prastory Sadružnaści: 25-hodździu SND, hadavinie pačatku Vialikaj Ajčynnaj vajny, Hodu adukacyi ŭ SND.
«Nastupny hod u Sadružnaści abjaŭleny Hodam siamji, - adznačyli ŭ pres-słužbie. — Heta tema stanie adnoj z centralnych u płanie mierapryjemstvaŭ budučaha hoda. Mnohija mierapryjemstvy aryjentavany pierš za ŭsio na moładź. Heta mižnarodny Isyk-Kulski forum maładych intelektuałaŭ, fiestyval «Spartyŭnaja siamja», cykł realici-šou «Luboŭ bieź miežaŭ» na telekanale «Mir». Praktyčnuju padtrymku siamji pryznačany akazać forum vałanciorskich inicyjatyŭ «Siamiejny ačah», a nabytyja na prastory Sadružnaści navukovyja viedy razhledzić kanfierencyja «Antrapałohija siamji».
Na pasiadžeńni taksama razhledžany kadravyja pytańni. Staršynioj Savieta pa humanitarnym supracoŭnictvie SND stała ministr infarmacyi Biełarusi Lilija Ananič. Staršynioj praŭleńnia MFHS znoŭ vybrany pasoł Azierbajdžana ŭ Rasii Paład Biulbiul ahły.
