Pasiołki haradskoha typu Kruhłaje i Białyničy atrymali status haradoŭ rajonnaha padparadkavańnia. Takoje rašeńnie siońnia pryniata na siesii Mahiloŭskaha abłasnoha Savieta deputataŭ.
«Dasiahnutyja vyniki ŭ sacyjalna-ekanamičnym raźvićci, stvoranyja aptymalnyja ŭmovy žyćciadziejnaści i pierśpiektyvy dalejšaha raźvićcia Kruhlanskaha i Białynickaha rajonaŭ dajuć usie padstavy dla adniasieńnia haradskich pasiołkaŭ Kruhłaje i Białyničy da haradoŭ rajonnaha padparadkavańnia», — adznačyła načalnik ziemleŭparadkavalnaj słužby abłvykankama Iryna Pietručenia.
Pavodle jaje słoŭ, źmianieńnie statusu nazvanych pasiołkaŭ haradskoha typu nie paciahnie źmieny dachodaŭ i raschodaŭ hramadzian, u tym liku indyvidualnych pradprymalnikaŭ, jurydyčnych asob i inšych arhanizacyj. Mierkavanyja vydatki rajonnych biudžetaŭ pa adniasieńniu Kruhłaha i Białyničaŭ da haradoŭ rajonnaha padparadkavańnia składuć adpaviedna Vh19,3 tys. i Vh16,8 tys.