Heta zdaryłasia ŭ dalinie (Down in the Valley).
ZŠA, 2005, kalarovy, 125 chv.
Žanr: psychalahičnaja drama.
Na hetym tydni ŭ Miensku pakazvajuć karcinu, jakaja mieła pośpiech u Kanach. Film vyhladaje na vestern. Ale heta sučasnaja psychalahičnaja drama z pahroźlivymi tajamnicami.
Pieknaja junaja Tobi (Evan Rejčeł Vud) znajomicca z mužnym vałacuham (Eduard Nortan), kaŭbojem-vychavalnikam. Raman pamiž hierojami razhortvajecca, ale, ale, ale….
Eduard Nortan vybitny rolami z «dvajnym dnom» – jahonyja persanažy prychoŭvajuć niešta, za imi chodzić cień-dvajnik (jak klerk z «Bajcoŭskaha klubu»). U «dalinnym» vypadku aktor Nortan vystupiŭ jašče j supraduseram stužki. Jon i režyser Dejvid Džekabsan znajšli adzin adnaho. Džekabsana taksama cikavić dvaistaść čałaviečaj pryrody, hulnia pamiž realnym i ŭjaŭnym i tajamnicy psychiki.
Seansy ŭ mienskim Domie kino: 10, 12–14 traŭnia – 18.50, 21.00; 11 traŭnia – 18.50.
Andrej Rasinski
