Na hałoŭnuju jołku krainy byli zaprošanyja dzieci ad 8 da 14 hadoŭ z usich rehijonaŭ Biełarusi, paviedamlaje BiełaPAN.
«U nas vialikaja i słaŭnaja historyja, bahataja kultura, pryhožaja pryroda. Ale samaje hałoŭnaje — heta ščyryja i pracavityja ludzi. Mnohija pakaleńni biełarusaŭ ŭładkoŭvali našu ziamlu, bierahli jaje i abaraniali. I nam z vami treba jak maha dalej zirnuć u budučyniu našaj Biełarusi. Mienavita ad vas zaležyć, jak budzie vyhladać naša ziamla i jakoj stanie kraina praz 20, 30 abo 50 hadoŭ», — cytuje Łukašenku jaho pres-słužba.
Łukašenka zaklikaŭ dziaciej ćviorda iści da pastaŭlenaj mety, pieraadolvajučy pieraškody i ciažkaści, a taksama lubić svaju Radzimu, kłapacicca pra jaje dabrabyt, šanavać mir i biaśpieku. «Vielmi chočacca, kab vy ščaśliva i družna žyli ŭ asiarodździ rodnych i blizkich ludziej, z aptymizmam hladzieli ŭ budučyniu i vieryli ŭ lepšaje. A kali ŭ niekaha nie atrymlivajecca, vy pavinny viedać: u krainie šmat spahadlivych ludziej, jakija nikoli nie pakinuć vas u biadzie», — padkreśliŭ kiraŭnik dziaržavy.
Jon prysutničaŭ na kazačnym navahodnim pakazie «Chrustalnaja miełodyja», u jakim dabro i spraviadlivaść pieramahajuć zło. «Niachaj heta budzie pažadańniem vam u žyćci. Ščyra žadaju, kab siabroŭstva, śviet i uzajemadapamoha zaŭsiody dapamahali atrymlivać pieramohi, kab spraŭdžvalisia samyja zapavietnyja mary, a baćki i piedahohi hanarylisia dasiahnieńniami», — pažadaŭ kiraŭnik dziaržavy.
Dzieci ŭručyli Łukašenku suvieniry, zroblenyja svaimi rukami.
