Paśla rejdu ŭ kramu №139 «Viesta» ŭ Viciebsku adzin z vałancioraŭ ruchu «Chriuša protiv. Biełaruś», jaki zajmajecca vyjaŭleńniem handlu niajakasnymi praduktami, byŭ zatrymany supracoŭnikami milicyi.
Viečaram 22 śniežnia maładomu čałavieku, jaki vyjšaŭ z kramy, było prapanavana prajechać u adździaleńnie milicyi dla vyśviatleńnia jaho asoby. Paśla karotkaj svarki z astatnimi vałanciorami i pakupnikami z kramy, milicyjantam udałosia pavieźci chłopca ŭ Pieršamajski RAUS.
Paśla vyśviatleńnia asoby vałanciora ŭ Pieršamajskim RAUS jaho adrazu ž adpuścili. Na praparščyka milicyi, jaki zabraŭ maładoha čałavieka, vałanciory napisali zajavu načalniku RAUS za niepravamiernyja dziejańni, pra heta paviedamlajecca ŭ hrupie ruchu «Chriuša protiv. Biełaruś». Taksama jany majuć namier skardzicca ŭ prakuraturu.
