Pabačyŭ śviet pieršy numar hazety tvorčaj intelihiencyi Miadzielščyny «Bieražnica». Pa słovach vydaŭca, «Bieražnica» maje namier abjadnać usie tvorčyja siły naračanskaha kraju. Redakcyjny kalektyŭ maje namier adnavić rajonnaje litaraturnaje abjadnańnie.
U pieršym numary źmieščany zvarot vydaŭca, naviny Miadzielščyny, vieršy i recenzii, krajaznaŭčyja i histaryčnyja artykuły, fotanarysy. Hazeta maje 4 staronki, źviarstanaja ŭ retra-styli i čorna-biełych kolerach. Zajaŭleny nakład — 299 asobnikaŭ.
Hazeta raspaŭsiudžvajecca biaspłatna. Spampavać PDF-versiju (1,1 Mb) možna pa hetaj spasyłcy z sajtu narach.org.