«Ciaham tolki hetaha hoda 211 vajennasłužačych VSU addali svajo žyćcio za mir i svabodu», — zajaviŭ Parašenka. Jon paśmiarotna ŭznaharodziŭ zvańniem Hieroj Ukrainy 21-hadovaha Mikitu Jaravoha, jaki zahinuŭ u bai ŭ pasiołku Łuhanskaje.
Taksama Parašenka abviaściŭ pra adkryćcio ŭ Maryupali abnoŭlenaha naziralnaha punkta. «Jon abstalavany najnoŭšaj sistemaj vyjaŭleńnia, papiaredžvańnia i identyfikacyi celi», — skazaŭ Parašenka. Pavodle jaho, płanujecca ŭstanoŭka jašče 5 takich kompleksaŭ, jakija «bačać pavietra, vadu i ziamlu».
Jon taksama paviedamiŭ, što ŭ subotu padčas jaho znachodžańnia ŭ rajonie Šyrokina ŭ 4 km ad delehacyi adbyŭsia abstreł i sproba šturmu:
«My majem spravu z rasijskim voraham, u jakoha ničoha śviatoha, navat Rastva. Nijakaj cišyni, pra jakuju damovilisia ŭ Minsku, tak i nie nastupiła. Navat ciapier, kali my byli kala Šyrokina ŭ 4 km ad nas byŭ artyleryjskich abstreł i sproba šturmavych dziejańniaŭ».
