Heta praduhledžana techničnym rehłamientam JEAES «Pra biaśpieku kołavych transpartnych srodkaŭ», nahadvaje BiełTA.
Patrabavańnie nie raspaŭsiudžvajecca na aŭtamabili, jakija znachodzilisia ŭ ekspłuatacyi da ŭstupleńnia ŭ siłu novaj normy.
Raspracavany ŭ Rasii terminał z «tryvožnaj knopkaj» ERA-HŁONAS.
U vypadku avaryi ustalavanaja na mašynie pryłada ŭ aŭtamatyčnym režymie abo pry naciskańni tryvožnaj knopki infarmuje adpaviednyja słužby. Atrymaŭšy sihnał, jany maksimalna chutka nakiroŭvajuć svaje bryhady, u tym liku miedycynskuju, na miesca zdareńnia.
«Apieratyŭnaje akazańnie mieddapamohi i zachavańnie žyćcia, źjaŭlajecca hałoŭnaj metaj stvareńnia nacyjanalnych sistem vykliku ekstranych słužbaŭ u sajuznych krainach», — padkreślili ŭ JEEK.
Usie asnoŭnyja aŭtamabilnyja brendy, jakija pastaŭlajuć svaju pradukcyju ŭ Jeŭrazijski ekanamičny sajuz, zaviaršyli albo zaviaršajuć asnaščeńnie aŭtamabilaŭ tryvožnaj sistemaj.
U dačynieńni da mašyn, što ŭvoziacca fizičnymi asobami z trecich krain, buduć dziejničać tyja ž patrabavańni. Hramadzianam, jakija žadajuć u pryvatnym paradku zavieźci ŭ JEAES paśla 1 studzienia 2017 hoda transpart (jak novy, tak i były ŭ vykarystańni), nieabchodna pamiatać, što, naprykład, lehkavy aŭtamabil pavinien mieć ubudavanuju pracazdolnuju sistemu vykliku ekstranych apieratyŭnych słužbaŭ.
Vykazvajecca mierkavańnie, što padobnyja pryłady mohuć być vykarystany, kab sačyć za pieramiaščeńniem aŭtamabilaŭ.
