Stvaralnik sacsietki «Fejsbuk» Mark Cukierbierh płanuje pravieści 2017 hod u raźjezdach pa ZŠA, kab vykanać svajo navahodniaje abiacańnie. U hetym hodzie Cukierbierh vyrašyŭ pabyvać va ŭsich štatach ZŠA i zavieści znajomych u kožnym. Siarod minułych navahodnich abiacańniaŭ Cukierbierha samomu sabie — prabiehčy 365 mil i vyvučyć kitajskuju. Cukierbierh zapeŭnivaje, što ŭsie jany vykanany, piša Bi-bi-si.
Kab vykanać umovy zadačy, Cukierbierhu treba pabyvać jašče ŭ 30 štatach. Jak napisaŭ pradprymalnik u paście na svajoj staroncy, na dumku ab tym, što jamu varta daviedacca pra ZŠA i amierykancaŭ bolš našturchnuli padziei 2016 hoda.
«Paśla składanaha hoda, ja spadziajusia, vykonvajučy heta abiacańnie, pahutaryć ź ludźmi — daviedacca, jak jany žyvuć, kim i jak pracujuć, i što jany dumajuć pra budučyniu», - piša Cukierbierh.
Na dumku internet-miljardera, ciapier čałaviectva znachodzicca «ŭ pierałomnym momancie historyi».
Pad jaho postam nabrałasia ažno 13 tysiač kamientaroŭ. Ludzi zaprašajuć Cukierbierha ŭ svaje harady i štaty, abiacajuć pačastavać u restaranie, rajać, jakija słavutaści naviedać. Bolšaść chacieli b sustrecca z Cukierbierham asabista.
