Narviehija na nastupnym tydni pačnie adklučać FM-radyjoviaščańnie, paviedamlaje VVS.
«Zakryćcio FM-radyjo pačniecca z paŭnočnaha horada Bude 11 studzienia. Da kanca hoda ŭ Narviehii spyniać pracu ŭsie FM-radyjostancyi. Takim čynam hetaja kraina stanie pieršaj, dzie FM całkam spynić pracu», — havorycca ŭ paviedamleńni.
Na dumku ekśpiertaŭ, heta daść mahčymaść ukaranić ličbavuju radyjotranślacyju, jakaja maje vysokuju dakładnaść prajhravańnia huku i bolš kanałaŭ.
U toj ža čas krytyki takoha kroku narviežskaha ŭrada kažuć, što jon dačasny. Apytańnie miascovaj haziety Dagbladet śćviardžaje, što 66% narviežcaŭ suprać adklučeńnia FM.
Najbolšaj składanaściu dla takoha kroku źjaŭlajucca aŭtamabili — pavodle acenak, nie mienš za 2 młn aŭtamabilaŭ u Narviehii nie majuć ličbavych radyjopryjomnikaŭ. Aŭtamabilistam rajać nabyć śpiecyjalnyja adaptary, jakija kaštujuć kala 1500 narviežskich kron (170 dalaraŭ).
Pierachod na ličbavuju radyjotranślacyju aznačaje, što krynicaj radyjoviaščańnia stanuć nie anałahavyja płatformy, jak AM i FM, a ličbavyja.
Dla słuchačoŭ heta aznačaje, što im spatrebicca śpiecyjalny pryjomnik, kab łavić ličbavy sihnał. Akramia taho, niekatoryja radyjostancyi viaščajuć praź internet.
Akramia Narviehii, nad takim pierachodam taksama razvažajuć Šviejcaryja, Danija i Vialikabrytanija.
